Premios da Música Martín Códax 2024
Identidad
Publicidad
Un ano máis caeu nas nosas mans a oportunidade de desenvolver o deseño dos Premios da Música Martín Códax, converténdose nun reto para crear algo novo. O obxectivo do deseño era poñer en valor a música creada en Galicia, así como os grupos e membros que a fan posible.
O resultado final é unha imaxe de marca moderna e vibrante, cun alto grao de modularidade que pon o foco na edición. A paleta de cores baseouse en tons que reflicten a vitalidade e diversidade musical, combinando cores cálidas con acentos eléctricos para simbolizar a enerxía da escena indie. O uso de elementos modulares engade profundidade e movemento, representando a constante evolución da música en Galicia, transmitindo con éxito a enerxía que buscabamos, a creatividade e a riqueza sonora do panorama musical galego, máis vivo que nunca.
Desenvolveuse un sistema visual versátil que podería adaptarse a diferentes formatos e canles, desde medios físicos (carteis, folletos, escenografía) ata plataformas dixitais (redes sociais, web, vídeo). O deseño gráfico une un mesmo obxectivo, logrando un impacto visual en todos os eventos que se celebran baixo a mesma marca e identidade: presentacións, eventos de finalistas e entrega de premios, onde se ve coherente.
A imaxe de marca dos Premios Martín Códax da Música 2024 busca non só representar un evento, senón tamén amplificar a súa mensaxe: Galicia é música, talento e cultura viva.
Empresa beneficiaria del programa de primera experiencia profesional de las personas jóvenes [TR353C - 2026]
